Në diplomaci, ashtu si edhe në jetë, mësohet më shumë nga dështimet se sa nga sukseset. Sukseset do të duken, në retrospektivë, pasi janë të paracaktuara, një seri veprimesh dhe vendimesh të shkëlqyera, që në fakt mund të kenë qenë fatlume apo të rastësishme, ndërsa dështimet ndritin shtigjet dhe qorrsokakët që duhen shmangur - në të folurën e burokratëve modernë, pësimi bëhet mësim. Duke patur parasysh këtë, është koha të rishohim atë çfarë ndodhi në Paris në vitin 1919. Rrëfimi i përzgjeruar i Margaret MakMilanit për këtë ngjarje-tharmë përmban disa histori të suksesshme, të jemi të sigurt, por, i matur nëpërmjet gjykimit të historisë dhe pasojave, ky është një studim i vendimeve gjysmake me pasoja të tmerrshme, shumë prej të cilave enden rreth nesh.